समाचार

१७ सर्जकका १७ टुक्का कविताहरू : श्रृंखला २

पूर्वेली टुक्का समुहमा टुक्का अभियन्ता दुर्गा आचार्यकाे संयाेजनमा सङ्कलन गरिएका १७ सर्जकहरूमा टुक्काहरू टुक्का दुई हरफमा अक्षर संख्या बराबर गरेर तुक् (अन्त्यानुप्रास) मिलाएर लेखिने प्रयाेगात्मक लघुत्तम कविता हाे ।

[१]१,
नेपालको शान पूर्व हरियो बन छाँगा छहरा,
उत्तरमा पर्ने हिम शिखर, हिमशैल पहरा।
२,
गौरव गरौ हामी नेपाली भई पौरखी हुनुमा,
अादर,सम्मान गर्व गराैँ हिमशिखर छुनुमा।
✍️दुर्गा अाचार्य, मोरङ

[२]१
श्रीअन्तु पाथिभरा र धेरै छन् हाम्राे पूर्वकाे सान,
जाति भाषा धर्म संस्कृतिकाे पहिचान छ महान।
२.
अाफ्नै भाषा धर्म र संस्कृति प्याराे आफ्नै जन्मभूमी,
स्वर्ग जस्ताे ठाऊँ अन्त भेटाइएन संसार घुमी।
✍️ ताराप्रसाद चापागाईं
धुनिबेसी ।

[३]१,
अाँउ है साथी हो घुम्न जाउँ ईलामको चियाबारी,
चियाको बुटा पिछाडि खेलौन सबैले लुकामारी।
२,
जोगमाई खोलाको तीरमा बसेर माछा मारौला,
ढुंग्रोको ऐराख खाएर रमाईलो पनि गरौँला।
✍️ लक्ष्मी श्रेष्ठ
बिर्तामोड झापा

[४]१.
इलामको प्रेम यसरी हृदयमा सङ्लेर आयो
हेर्दा छन् सुमधुर ओडेर घुम्टो ‌प्रियगीत गायो।
२.
वारीपारी हरियो सौन्दर्यले तान्छ चिया बगान,
टुक्रा हो स्वर्गको भन्छ वक्ष चौडिन्छ देखेर सान।
✍️ पौडेल विमुन्स
पोखरा कास्की

[५]१,
सगरमाथाको शिरमा गुराँस फूल्छ वरिपरी ,
नाच्छन् डाँफे मुनाल चरी हिमचितुवा नानाथरी ।
२,
बग्छन् मेची कोशी नदी यहीं झरना अति सुन्दर ,
पूर्वै छ रसिलो फलफूल मिठा अन्नैको छ भर।
✍️ होम प्रसाद नेउपाने
धरान,सुनसरी ।

[६]१,
नेपाली शान पहरा पर्वत अनि छ धरहरा,
गौरव गाथा चिनाउँदै हिँड्छन् नी पर्वत पहरा।
२,
गौरव गरौँ हामी नेपाली हौँ स्वाभिमानी भनेर
छन् हाम्रा धेरै हिम शिखर टापु सक्दैनौ गनेर।
✍️ सरस्वती श्रेष्ठ, इटहरी

[७]१,
नेपालको पूर्व क्षेत्र रमाइलो र सुन्दर गाउँ
पर्यटक र हामीलाई नै मन पर्ने घुम्ने ठाउँ ।
२,
नेता जन्म्या पूर्वी क्षेत्र तर विकास खोइ भएको
जितेर गएपछि रेकर्ड छैन फर्केर गएको ।
✍️ राजेशराज गड्तौला
रतुवामाई- १०, मोरङ
हाल- प्रवास

[८]१,
मकालु टल्किदा संखुवासभा जिल्ला लाग्दछ राम्रो,
मनोरम दृश्यमा हिमशैल कति सुन्दर हाम्रो।
२,
सिद्धकाली मनकामना धार्मिक स्थल शिव धाम,
कोशी ल्हासा हुँदै घुम्न आउनु संखुवासभा नाम।
✍️ तारा घिमिरे
संखुवासभा

{९]१.
वनभरी लालीगुराँस सुन्दर छ फूल फुलेर,
देखियो मन लोभ्याउने दृश्य नै पालुवा झुलेर।
२.
खुसी मान्यो मन जन्मभूमि आँखाले देख्न पाउँदा,
स्वर्ग छुए जस्तो लाग्छ एक मुठी माटो समाउँदा।
✍️ रविन भण्डारी
कानेपोखरी-२,दलेली, मोरङ

[१०]१.
हरियो परियो रमाईलो लाग्दैछ पूर्वकाे गाऊँ,
घाम उदाउँदाको दृष्य झन् लाग्ने अपूर्व याे ठाऊँ।
२.
चरा चुरुंगी, वनस्पतिहरु फल अनेक छन,
जन्मीएँ धन्य पूर्ण धरती छ पूर्व नै जाऊँ जन ।
✍️ पुष्पाशायरा, बिराटनगर

[११]१.
जति घुम्यो घुमुँ झैँ लाग्ने इलामका चिया बगान,
मनभित्र जोश जाँगर आहा हुन्न रत्ती थकान ।
२.
स्वर्ग कस्तो हुन्छ कुन्नि मलाई यहीँ नै स्वर्ग लाग्यो,
जुनिजुनी सम्म पनि बाँचिरहने रहर जाग्यो।
✍️ वसन्त अनुभव
घोराही -१४,दाङ

[१२]१.
झुल्के घामले हुन्छ न्यानो हजुर जूनेलीको शीत,
पश्चिममै खेल्छन् ,दोहोरी पूर्वै गाउँछन् लोकगीत ।
२.
सुनचाँदी हिरामोती फल्ने नेपाल देशको माटो ,
आफैं दिगो विकास गर्न लागे गाउँघरको बाटो ।
✍️ रिजाल विनोद
बेलबारी -२ मोरङ

[१३]१.
नेपालको शान भनौं पूर्वीय वन पाखा छहरा
यी मनमोहक डाडा अनि हिमशिखर पहरा ।
२.
गौरव लाग्छ हामी सबैलाई नेपाली हुनुमा
निडर बनि पौरखले हिमशिखर छुनुमा ।
✍️ दुर्गा भट्टराई, मोरङ

[१४]१.
ए! नानी तिमी पूर्वेली रहिछ्यौ लगायौ नि मोहनी,
म झिल्के परे पश्‍चिमेली ठिटो तिमीलाई सम्झनी।
२.
त्यो चियाबारी हेरेर मख्ख कञ्चनजंघा हिमाल,
धर्तीकै स्वर्ग मान्दछन् सबै यो मेरो देश नेपाल।
✍️ अनिल खग्रास, पर्वत

[१५]१.
सधैं आफ्नो पैचान जोगाएर राख्ने हामी गोर्खाली ,
पौरखमा नै बाँच्ने नेपाल भूमिका पूर्वी नेपाली ।
२.
सक्ने काम आफैं गरेर देश विकास गर्ने दामी,
स्वावलम्बी भएर सबैलाई प्रेरित गर्छौं हामी।
✍️ भगवती दवाडी
दमक झापा

[१६]१.
सूर्योदय सबेरैमा हुने रे श्रीअन्तु डाँडापारी
कञ्चनजङ्घा चिहाई हेर्छ, हाँसेर घुम्टो उघारी ।
२.
श्रीपाथीभरा दर्शन गर्न, खोजीखोजी नै आउने,
सुख शान्ति वरदान सब, भक्तजनले पाउने।
✍️ गोपाल कृष्ण डङ्गोल
इटहरी।

[१७]१.
पूर्व जस्तो त राम्रो खोजेर मैले अन्त पाईन,
ठूला सहर धुलो माटो देखेर पानी खाईन।
२.
वातावरण स्वभाव सुचित्त मिलनसार पूर्व,
देवी देउता बास गरेको यहाँ लाग्छ धेरै गर्व।
✍️ कमला हरिमाया पाण्डे पराजुली, झापा

Leave a Comment